ام السمچ

قصيدة تحجي على التبيع السمج

هيه ام السمج

حلوة ام السمج رغم الزفر بيها
دزوني اشتري وضليت احاجيها
دزوني اشتري اهلي سمج فد يوم
ولكيت التبيعه الوجه كله نجوم
كعدت كبالها وكالتلي عني كوم
كصدك سمجتي لو روحي تشريها
كلتلها يحلوة السمج كله اشري
بس كولي احبك والله كلبي اخذيه
كالت اوف ربي الولد هذا شبيه
اضن بطران ما يعرف تواليها
كلت صح بطران وما اعرف الي صار
زوري وكتلج الوحدة بالف دينار
ثلث ساعات لجلج عايف الخطار
وهسه الجوع يم السمج واليها
كالت كوم عني خاله انته منين
خليني على رزقي وروح يم نسرين
حلوة تبيع خضرة مكحلة العينين
بحجة تشتري والسالفة طريها
كالتلها على السمج الاهل دزوني
بالخضرة شسوي وهمه فهموني
اجيت انشد عليج وتاهت عيوني
عسى هالسمجه كون انه اغص بيها
وسلامتكم
__________________

هههههههههههه

حلوة عاشت ايدك

لهنا واصلة ريحة السمچ

ام السمچ

ام السمچ

رد: ام السمچ