شلونكم اغاتي ( لحكوني)

يابه السلام عليكم
طبعا دا اكتب الموضوع اريدكم ابمصلحه ( تره من هسه دا اكلكم ما اسوي شي لله )
اي اني ححجيلكم سالفتي كبل فتره جان عندي امتحان مال قبول بلجليه
الي هوه كبل شهرين زين يابه!!
المهم كالولنه الامتحان بفلان يوم واني هم مثل الحبابه قريتلي ملزمتين بيها انكليزي 0( مال شنو مااعرف)
و بيوم الامتحان حضرت المحفضه وقلم مساحه واتزوكت ورحت للكليه بثمانيه
الكالكم الدنيه كتل هوسه وهايسه ولد وبنات وشيوخ واطفال يابه شوكت الامتحان !!
كالو بل عشره انتظرنت للعشره اتعرفت على جم بنيه سئلتهم شنو الامتحان محد يدري
وحده اتكول كيميه والخ رياضيات والخ انكليزي
المهم دكيناها سوالف شنو جان غداكم البارحه والعشه وهل سوالف الا ان صارت بل عشره
يابه شوكت الامتحان !!بل ادعش زين ... رحنه شربنه جاي وكملنه لغوه وصارت بل ادعش!!
ها يابه شوكت الامتحان كلولنه انتظر فد نص ساعه
وفعلاتا فتنه للقاعه كلها كامرات وجراجف كعدنه اجه واحد طويل وعريض المنكعين
فات كيفكون صبايا وشباب اني كلت بكلبي (انلاصت) طلع لبناني
بده الامتحان وزعو الاوراق اتلث ملازم ورقه صغيره نكتب بيها اي بي سي دي
ما احجيلكم الامتحان عباره عن 3 ساعات وما اعرف على شنو كله انكليزي واختيارات
وجيــــــــــــــــــــــــــــــــــــــــبه جيبـــــــــــــــــــــــــــــــــه
الا ان وصلت اخر سؤال كملته ولكيت مكان فارغ مال سؤال لاخ ادور منا منا جوه الميز ماكو
اثاري (مو بلي ستيشن) اني ناسيه سؤال الثاني وحاله الثالث بدل الثاني والرابع بدل الثالث وهكذاااااااااااااااااااااااا
ما احجيكلم على اخر دقايق
وجي صار لونه بنزركي ولزمني دمار ابرجلي جان يخلص الوكت
واجه دياخذ ورقتي جان ابتسم ابتسامه شفافه ( مال ما قبل الموت)
ماكو داعي اكلكم النتيجه اكيد منجحت
ف انطونه مهله وكبل عشر ايام سويت نفس الامتحان ونفس الاجواء و3 ساعات وفقرات وما ادري شكتبت بس مخربطت هلمره
وعساس النتيجه البارحه خابرني هذا اللبناني وكلي تكرم عيييييينيك ولا يكللك بال وانا بدئيليك وبئليك عل نتيجيييي
وهذا يوم وذاك يوم ادك يكلي موصلت وماكو ومن هلسوالف الا ان ايست وعفتها على الله لازمه السجاده وادعي واوصي الناس يدعولي (ف.......) اظن عرفتو شريد!!




ادعوليييييييييييييييييييييييييييييييييييييييييييييييييييييييييييييييييييييييييييييييييييييييييييييييي


الله عليكم


بلسجاده بصلاه اذا صايمين من دتسكون الزرع اذا اكو مي
اي شي وتره ما عندي وكت لانه اباي لحظه تطلع النتيجه
فشدو حيلكم وعلو همتكم ويانه وادعولي كولو يا رب فوك الخمسميه مو هوه الامتحان من 670



زين يابه
يلله عيني تعبتكم ويايه


ومشكوررررررررررررررررررررررررررررررررررررررررررررررررررررررررين جدا وجزيلا


وجزاكم الله الف خير

:pirat:

بنت الشرق الاوسط